اعقدوا و انووا لليوم الرابع من رمضان المبارك -بوقالات-

باسم الله بديت ** وعلى النبي صليت
وعلى الصحابة رضيت ** وعيّطت يا خالقي
يا مغيث كل مغيث ** يا رب السماء العالي
و هده بوقالة لكل اعضاء المنتدى
فال يا فلفال يا فاتح سبع قفال
اجبرلي سعدي مهما كان
ما الشرق و لا من الغرب
ولا من الشمال

لبنات انووا و خيروا رقم قبل ما تقراوهم
عندكم من 01 ل 10
***
***
****
****
******
******
************
01-عمتي يا عمتي وشبيك غضبانة ولا بيك على الما راني رويانة ولا بيك على الطعام راني شبعانة ولا بيك على كحل العين ما نديه غير انا
=
عمتي يا عمتي ما بك غضبانة إذا بك على الماء إني مرتوية و إذا بك على الطعام إني شبعانة و إذا على أسود العين غير إنا التي آخذه

02-يا اللي كويتلي قلبي وقلبي ما صبر محال ننسى حبك حتى للقبر

03-أصلك أصلك و ما ينفع غير الصح مولاة النية و الخير ربي عليها يفتح تطول و لا تقصر يجيها السعد و الربح

04-الدمعه على الخد تجرح و كلامهم كي السيف يذبح و أنا غزالي ما نفرط فيه حتى نستراح و نفرح
= نفرط فيه= نسمح فيه

05-حبطت لقاع البحر و صبت الرمل يغلي، رفدت باليد ليمنى و حطيت في حجري
نطق ليا الملك قالي يفرج ربي
يجيك سالم غانم بجاه النبي العربي (عليه الصلاة والسلام)

06-يا يما لوكان جاني في الما نصبح عوّامة و لو كان جاني في السماء نصبح طايرة و كي جاني من عند ربي صابرة لربي مولانا

07-باب مقابل باب وتاقة مقابلة تاقة والعين مقابلة العين وقلوب مشتاقة
=
تاقة=نافذة

08-خرجت للسطح نفضت زربية . جازو ثلاثة عزاب علي . الاول بعثو الملك و قالو نبغيها . والثاني بعثو السلطان و قالو نكسيها . والثالث بعثو لحبيب وقالو انموت عليها وغير هي اللي نديها
=
زربية=بساط , جازوا= مروا,

09-البسي اللى يواتيك اجميع الناس حاروا فيك الي عندو لعقل يديك واللي ما عندوش واش يصبر قلبو عليك
=
اللي يواتيك= الذي يناسبك

10-ما نكلش القارص لو يشهيني و ما نخذش الشيخ لو كان يغنيني ناخذ شاب صغير قده يواتيني
=
لا آكل الليمون و لو يشهيني و أتزوج بالشيخ و لو يغنيني لا أتزوج إلا بالشاب الصغير الذي قده يناسبني

أتمنى أن تنال رضاكم و إعجابكم
و سهرة طيبة

-ما نكلش القارص لو يشهيني و ما نخذش الشيخ لو كان يغنيني ناخذ شاب صغير قده يواتيني
=
لا آكل الليمون و لو يشهيني و أتزوج بالشيخ و لو يغنيني لا أتزوج إلا بالشاب الصغير الذي قده يناسبني

صح فطورك

يعطيك الصحة اعقدوا و انووا لليوم الرابع من رمضان المبارك -بوقالات- 3365864164

اعقدوا و انووا لليوم الرابع من رمضان المبارك -بوقالات- 3365864164

ايه شابة سنفورة علي من نويتيها

صح فطورك ختي انت ثاني ربي يتقبل صيامك إن شاء الله

و الله غير نويتها على صديقي

Embarassed

إن شاء الله ربي يكتب بيناتكم في الحلال و الهنا و السعادة

انشالله حبيبتي و ربي يخليك ليا

05-حبطت لقاع البحر و صبت الرمل يغلي، رفدت باليد ليمنى و حطيت في حجري
نطق ليا الملك قالي يفرج ربي
يجيك سالم غانم بجاه النبي العربي (عليه الصلاة والسلام

صح سحوركم حبيباتي

04-الدمعه على الخد تجرح و كلامهم كي السيف يذبح و أنا غزالي ما نفرط فيه حتى نستراح و نفرح
= نفرط فيه= نسمح فيه
انااختاريت رقم 4 وهذا الظهر تسلمي ملوكة

8-خرجت للسطح نفضت زربية . جازو ثلاثة عزاب علي . الاول بعثو الملك و قالو نبغيها . والثاني بعثو السلطان و قالو نكسيها . والثالث بعثو لحبيب وقالو انموت عليها وغير هي اللي نديها
=
زربية=بساط , جازوا= مروا,

وااااااااااااااااااو جميلة جدا حبيبتي
انشاء اله تثبت
يا شيختي حبيبتي
الجزء الاهم انك تنويها على احد ما و تشوفي شو الي راح اصير معاه من خلال البوقالة
تسلمي ملوكة

شكرا جراح على التوضيح صار كم يوم انوي لكن محد علمني الي بيصير غيرك

شكرا للجميع على المرور و أنا سعيدة أن البوقالات عجبوكم و يا شيخة هي أروى في أول موضوع للبوقلات وضعت نبذة مفصلة عن البوقالة https://joriaflower.yoo7.com/t2616-topic

و أنا زدت توضيح
, البوقالة لعبة رمضانية جزائرية , و من أهم ما يميز لعبة البوقالة، ضرورة أن تعقد النساء المستأنسات بمقاطعها
الشعرية اللطيفة المعنى، ما يسمى بـ"الفأل"، ومعناه أن تعقد المرأة النية
داخل قلبها بالتفكير في شخص من الأشخاص زوجاً كان أو ابنا أو أخاً أو في أي
من الأصفياء والأحباب، بل حتى في الأعداء والخصوم، وتحاول إسقاط معنى
أبيات البوقالة الموجهة لها على الإسم الذي اختارته مع رجاءها أن يتم ذلك
حقا. ومن أساسيات " البوقالة " أن لا تنال المرأة حظها من الأبيات الشعرية
إلا بعدما تمسك بجزء من خمارها أو تنورتها أو أي قطعة قماش أمامها وتصنع
منها عقدة صغيرة مرة واحدة قبل أن تفتح هذه العقدة بعد الاستماع إلى
البوقالة والكشف إن أرادت عن اسم الشخص الذي أسقطت عليه هذا الفأل

تقبلي تحياتي

الله يتقبل صيامك و صيام الجميع إن شاء الله

06-يا يما لوكان جاني في الما نصبح عوّامة و لو كان جاني في السماء نصبح طايرة و كي جاني من عند ربي صابرة لربي مولانا

ايووووووا انا صابرة لحد ماصبر طفش مني ههههههههههه

الصابر ينال بسمة ربي يناويلك ما في بالك إن شاء الله

-الدمعه على الخد تجرح و كلامهم كي السيف يذبح و أنا غزالي ما نفرط فيه حتى نستراح و نفرح
= نفرط فيه= نسمح فيه

انا هاذي لخيرتها

علبالي راني متاخرة لله غالب

نويتها على زوجي

شكرا ملوكة

عمرو مورورك ما يكون متأخر حبيبتي أروى
إن شاء الله ربي يكمل لك على خير

» اعقدوا و انووا لليوم الرابع عشر من رمضان المبارك -بوقالات-
» اعقدوا و انووا لليوم الرابع و العشرين من رمضان المبارك -بوقالات-
» اعقدوا و انووا لليوم الثامن عشر من رمضان المبارك -بوقالات-
» اعقدوا و انووا لليوم التاسع عشر من رمضان المبارك -بوقالات-
» اعقدوا و انووا لليوم العشرين من رمضان المبارك -بوقالات-

اعقدوا و انووا لليوم الرابع من رمضان المبارك -بوقالات-

اعقدوا و انووا لليوم الرابع من رمضان المبارك -بوقالات- :: تعاليق

اعقدوا و انووا لليوم الرابع من رمضان المبارك -بوقالات-

مواضيع مماثلة

مواضيع مماثلة